Kveðja til Íslands

Eg elska þig Ísland og muna þig má
ert móðir ástkæra
að berast á öldunum burtu þér frá
vill brjóstið mitt særa.

Eg ann þér af hjarta mitt ástríka Frón
ann þér á ævinnar degi.
Eg hlýt þig að kveðja með syrgjandi són
og sigla á fleyi.

Eg kveðja skal klettana, fossa og fjöll
og frjósama láglendið hlíða
eg kveðja skal jöklana hvíta sem mjöll
með krónuna fríða.

Heil sértu Fjallkonan fríðust og kær
í fjarlægð eg á þig.
Þér ann eg svo lengi að mitt hjarta slær
eg ann þér, þú átt mig.