Mannlýsing

Þú mig biður (það er skylt
þína bæn að gera)
Kirkjuvíkur kristinn pilt
karakterísera.

Trúarbrögðin hans ég held
hvikulari en skarið:
Eitt í gærkveld, annað í kveld
allt er á morgun farið.

Himnaríki er hér og þar
hérna og úti á sviði.
Andskotinn er ekki par
allt er tarna á riði.

Hann í kvenna ástum er
áfjáðari en hrútur
ef ákavíti í hann fer
átta potta kútur.

Hann í Njarðvík hefir bú
hleður barna grúa
uns af jörðu öll fer trú
ætlar þar að búa.

Hans ég listir tamar tel
trautt er karl óslyngur:
Málar, reiknar, ritar vel
rekur við og syngur.