Á aðventu

Nú vona börn og bíða
því bráðum koma jól.
En dimman sýnist drottna
þeim dýrleg kviknar sól.

Þótt einatt andi köldu
það ekkert gerir til
því hjörtun eiga hlýju
og helgan jólayl.

Og þó að þjaki sorgir
og þraut og hugarstríð
þá Guð mun gleðilega
þeim gefa jólatíð.

Ég nálgast Guð hinn góða
og glaður til hans kem
því frelsun mín er fundin
og fædd í Betlehem.

Þótt himinn hyljist skýjum
og hverfi þaðan sól
ég minnist barnsins blíða
og bið um heilög jól.