Veiðivísur

Veiðimennskan var mitt sport
á vorin úti á Skaga
þá var líka alltaf ort
eitthvað flesta daga.

Vel mér oft á grenjum gekk
gamlan hólk þó noti.
Út á heiði fór og fékk
fjögur dýr í skoti.

Oft hefur mér í búið bæst
býsna mikil veiði.
En hvenær brosir nóttin næst
norður á Skagaheiði?

Við þig segja verð ég fljótt
vel skal þeginn greiði.
Ég hef legið úti í nótt
uppi á reginheiði.