Skagafjörður

Af Vindheimamelum er valin sýn
um víðfeðman Skagafjörð.
Í kyrrð og næði kemur til mín
konungleg listagjörð.
Hólmurinn, Vötnin og voldug fjöll
Varmahlíðin með yl.
Hegranesið og holtin öll
ég heillast og minnast vil.

Fjöllin geyma í faðmi sér
hið fegursta höfuðból.
Landsins saga var lifuð hér
og lýsir um Hólastól.
Þar Jón Arason gekk um garð
og garpurinn Kolbeinn féll
þar sem Guðmundi góða varð
að glíma við synd og spell.

Og eyjarnar dunda yst við haf
útverðir byggðarlags.
Með aldnar sögur og öldutraf
yndi til hinsta dags.
Tindastóllinn með töfrastein
sem tilveru getur breytt.
Lind sem að hjalar létt og hrein
landslagið allt er skreytt.