Siglufjörður

Nú er síld á Siglufirði
sem er milljóna virði.
Þar má græða. Því fer ég nú
þangað til að bjarga mér.

Krónur fást þar fimm til níu
fyrir tímann; yfir tíu
stundum. Þar er hægt að hafa
hundrað krónur minnst á dag.

Þar er fólk ei undir aga
allt er frjálst um nótt sem daga.
Þar er dans á hverju kvöldi
konjak nóg og brennivín.

Þar er stríð um konu hverja
keppst um fast að sækja og verja.
Þá er hníf að hálsi otað
hnefar krepptir dansa´ á nös.

Leyfist frjálsa lífið ekki
lögreglan er sett í hlekki.
Semjist ei við sýslumanninn
setja menn hann út í horn.

Fleygið orfum, karlar, konur
kastið hrífum; dóttir, sonur,
flýið kotin, kveðjið baslið
komið öll á Siglufjörð!