Mansöngur

Nú skal hefja hornaslag
heilla stefjadís með brag.
Orðum vefja oss í hag
ungan tefja næsta dag.

Minnar þjóðar þekka dís
þína góðu fylgd ég kýs.
Æ þinn hróður efstur rís
aldna móðir tign og vís.

Gullið andans geymum vér.
Gerist vandi að lifa hér.
Ýmsu í landi aftur fer.
Engu grandi hlífa ber.

Sínum rómi syngja enn
snjallir frómir kvæðamenn.
Leyst úr dróma lifnar senn
litla sóma stakan enn.