Vorþrá

Hvíti, kaldi, harði vetur
hypjaðu þig senn á braut.
Nú er mörgum mál á vori
margir líða sára þraut.
Sumar, þig vér sáran þráum
sólskin þitt og hótin blíð
fuglakliðinn, fossaniðinn
flöllit blóm og tún og hlíð.

Komdu, fífill, komdu, sóley
komdu, fugl á skógargrein.
Komdu, ljúfi lækjarniður
leiktu þér við kaldan stein.
Komdu sumars blessuð blíða
bræddu klakann jörðu af.
Láttu ekki lengur bíða
lýðinn við hið ysta haf.