Söfn

Íslenska

Íslenska

Um Ingveldi ömmu sína sagði Þórunn Elfa Magnúsdóttir rithöfundur: "Svo hefur mér verið sagt, að heimilið á Horni og eins Skeljabrekku hafi fram eftir árum verið glaðvært, fólkið frjálslegt og haft mikið yndi af frásögnum, kveðskap og söng. Amma var mjög bókhneigð, stálminnug á það sem hún las og heyrði, jafnt á ljóð sem laust mál, og sagði vel frá. Hagmælt var hún, en flíkaði lítt. Vísum hennar var ekki haldið til haga, enda heimilisfólkinu ekki ætíð ljóst, hvað var eftir hana sjálfa og hvað eftir aðra af því, sem hún mælti af munni fram. Veit ég ekki til að neitt hafi geymzt eftir hana utan eitt ljóðabréf, til unglingsstúlku, sem gladdist mikið yfir þessu bréfi og lét seinna færa það inn í póesíbók, sem flestar ungar stúlkur eignuðust í vingjöf á þeim tíma."