Gamlir húsgangar úr barnsminni Guðbj. frá Broddanesi

Gott er að vera góða barn
gott er að vera hlýðinn
Gott er að vera gæfugjarn
gott er að vera ókvíðinn.

Gott er að treysta, guð, á þig
gleður það mitt hjarta
yfirgefur aldrei mig
englaljósið bjarta.

Barnið mitt blíða
berðu þig vel
þú þarft ekki að kvíða
Kristur hjálpar þér

Til að græða meinið mitt
meður æðafossi
lét úr blæða lífið sitt
ljóminn hæða á krossi.

Ræður mál í rúninni
rétt með snilli búna
Babbi kemur á brúninni.
Barnið hjalar núna.

Kemur snart með kögglana
kvendið bjarta og rjóða
Ber nú svarta bögglana
blessað hjartað góða.