Eyjólfur Þorgeirsson í Króki í Garði 1822–1887

Eyjólfur var sonur Þorgeirs Andréssonar hreppstjóra í Króki í Garði og konu hans, Þuríðar Sæmundsdóttur. Kona Eyjólfs var Guðný Jóhannesdóttir. Eyjólfur orti talsvert, meðal annars grafskriftir sem hengdar voru upp í Útskálakirkju. Einnig orti hann ljóðabréf fyrir sjómenn og kunnar urðu ýmsar tækifærisvísur hans. (Sjá Detta úr lofti dropar stórir – kveðskapur, bernskuminningar, viðtöl og fleira. Reykjavík 1982, bls. 105–107 og Páll Eggert Ólason: Íslenzkar æviskrár I. Reykjavík 1948, bls. 464).