Eiríkur Árnason d. 1587

Eiríkur hefur líklega verið fæddur um 1530 eða rétt eftir það. Hann var sonur Árna Brandssonar prests á Burstafelli og konu hans, Úlfheiðar Þorsteinsdóttur. Eiríkur var tvíkvæntur, átti fyrst Guðrúnu Árnadóttur frá Stóradal. líklega árið 1559, og stóð hjónaband þeirra í tuttugu ár. Þá dó Guðrún og saknaði Eiríkur hennar sárt eins og sést í kvæðinu sem ritað er aftan við guðspjallabók (Ny kgl. Saml. 11. fol.) sem Eiríkur hefur sjálfur skrifað handa henni. Aðeins fyrrihluti kvæðisins er varðveittur.
   Eiríkur var lengi   MEIRA ↲

Eiríkur hefur líklega verið fæddur um 1530 eða rétt eftir það. Hann var sonur Árna Brandssonar prests á Burstafelli og konu hans, Úlfheiðar Þorsteinsdóttur. Eiríkur var tvíkvæntur, átti fyrst Guðrúnu Árnadóttur frá Stóradal. líklega árið 1559, og stóð hjónaband þeirra í tuttugu ár. Þá dó Guðrún og saknaði Eiríkur hennar sárt eins og sést í kvæðinu sem ritað er aftan við guðspjallabók (Ny kgl. Saml. 11. fol.) sem Eiríkur hefur sjálfur skrifað handa henni. Aðeins fyrrihluti kvæðisins er varðveittur.
   Eiríkur var lengi sýslumaður í Múlaþingi og klausturhaldari á Skriðuklaustri  frá því stuttu eftir 1560 og í eitt ár eða svo klausturhaldari í Reynisstaðaklaustri. Hann stóð þá gjarnan í deilum út af ýmsum málum en harðastar voru deilur hans við Hall Högnason prest í Kirkjubæ. Gengu þær svo langt að hann lét taka prest höndum og hafði hann í haldi hjá sér um skeið. Varð hann af því stundum nefndur Eiríkur prestahatari.
   Eiríkur fór stundum utan til Þýskalands og þar kvæntist hann að lokum þýskri konu, Anna Kurbenmacher, og fluttist svo til Hamborgar, undir  ævilokin og þar dó hannn 1587. (Sjá PEÓl: Íslenzkar æviskrár I, bls. 396–397;  Menn og menntir III, bls. 343–346 og Menn og menntir IV, bls.464–467).
   ↑ MINNA