Gunnar Jónsson Hólaskáld 1761–1841

Gunnar var bóndi á Hólum í Hólasókn í Eyjafirði og var af því nefndur Hólaskáld. Gunnar var langalangafi Kristínar Sigfúsdóttur skáldkonu og hefur hún skrifað um hann dálítinn þátt sem birtist í fyrsta bindi ritsafns hennar. Hún telur Gunnar hafa verið fæddan einhvers staðar í Húnavatnssýslu og segir þar orðrétt: „Foreldrar hans áttu fjölda barna. Fór hann ungur að heiman til ættingja og vina í Skagafirði. Dvaldi hann þar sín uppvaxtar- og þroskaár á mannmörgu efnaheimili. Skíðastöðum að mig minnir." Hann flutti til Eyjafjarðar nokkru   MEIRA ↲

Gunnar var bóndi á Hólum í Hólasókn í Eyjafirði og var af því nefndur Hólaskáld. Gunnar var langalangafi Kristínar Sigfúsdóttur skáldkonu og hefur hún skrifað um hann dálítinn þátt sem birtist í fyrsta bindi ritsafns hennar. Hún telur Gunnar hafa verið fæddan einhvers staðar í Húnavatnssýslu og segir þar orðrétt: „Foreldrar hans áttu fjölda barna. Fór hann ungur að heiman til ættingja og vina í Skagafirði. Dvaldi hann þar sín uppvaxtar- og þroskaár á mannmörgu efnaheimili. Skíðastöðum að mig minnir." Hann flutti til Eyjafjarðar nokkru fyrir aldamótin 1800 og réðst þar í vinnumennsku hjá séra Magnúsi í Saurbæ. Hann kvæntist síðan Guðrúnu dóttur Páls á Hólum í Eyjafirði og tóku þau hjón við þeirri jörð og bjuggu þar alla sína tíð. Hann var skáldmæltur vel og var jafnan nefndur Gunnar Hólaskáld. Hann var og orðlagður glímumaður og hraustmenni en um miðjan aldur veiktist hann og lá í rúminu heilan vetur og krepptist þá allur. Náði hann aldrei fullri heilsu eftir það.   ↑ MINNA