Konráð Erlendsson 1885–1957

Konráð var fæddur á Brettingsstöðum í Laxárdal í Suður-Þingeyjarsýslu, sonur Erlends Sigurðssonar bónda á Brettingsstöðum og konu hans, Sigríðar Ásmundsdóttur frá Ófeigsstöðum í Kinn. Konráð var í Lýðháskólanum í Askov á Jótlandi 1906–1908 og sótti þar kennaranámskeið 1908. Þá stundaði hann nám í Statens Lærerhöjskole í Kaupmannahöfn 1908–1909. Konráð var lengst af kennari í Þingeyjarsýslu, síðast á Laugum 1925–1949. Kona hans var Helga Arngrímsdóttir frá Ljósavatni og áttu þau saman þrjú börn. (Sjá einkum Kennaratal á Íslandi I. Reykjavík 1958, bls. 424). Konráð var prýðilega hagmæltur en hirti lítt um að halda kveðskap sínum saman.