Guðmundur Sigurðsson* 1912–1972

Guðmundur var fæddur í Skildinganesi við Skerjafjörð, sonur fátækrar vinnukonu, Helgu Jónsdóttur, og húsbónda hennar, Sigurðar Helgasonar bónda að Hvammi í Hvítársíðu. Fárra mánaða gamall fór hann í fóstur til vandalausra, barnlausra hjóna í Borgarnesi, og ólst þar upp. Hann lét snemma að sér kveða í verkalýðsmálum og pólitík í Borgarnesi og birti eftir sig greinar og ljóð undir nafninu Guðmundur frá Borgarnesi. Um tvítugt fór hann í Samvinnuskólann í Reykjavík og að loknu námi þar dvaldi hann tvö ár í Þýskalandi og lærði   MEIRA ↲

Guðmundur var fæddur í Skildinganesi við Skerjafjörð, sonur fátækrar vinnukonu, Helgu Jónsdóttur, og húsbónda hennar, Sigurðar Helgasonar bónda að Hvammi í Hvítársíðu. Fárra mánaða gamall fór hann í fóstur til vandalausra, barnlausra hjóna í Borgarnesi, og ólst þar upp. Hann lét snemma að sér kveða í verkalýðsmálum og pólitík í Borgarnesi og birti eftir sig greinar og ljóð undir nafninu Guðmundur frá Borgarnesi. Um tvítugt fór hann í Samvinnuskólann í Reykjavík og að loknu námi þar dvaldi hann tvö ár í Þýskalandi og lærði bankaendurskoðun. Hann starfaði í Reykjavík eftir það, lengst af á skrifstofu Skipaútgerðar ríkisins og í Landsbankanum. Hann var um miðja seinustu öld landskunnur hagyrðingur, gamanvísnaskáld og revíuhöfundur. Um skeið gaf hann út tímaritið Háðfuglinn, ritstýrði Útvarpstíðindum og eftir hann er ljóðabókin Dýrt spaug.   ↑ MINNA