Ólafur Tómasson 1532–1595

Ólafur Tómasson (1532–um 1595) á Hafgrímsstöðum í Skagafirði var sonur síra Tómasar Eiríkssonar á Mælifelli og Þóru Ólafsdóttur en móðir Þóru var Helga, fylgikona Jóns Arasonar. Var Ólafur alinn upp á Hólum með Jóni biskupi og Helgu móðurömmu sinni og var hann afar trúr Jóni fóstra sínum og sonum hans, móðurbræðrum sínum. Ólafur var lögréttumaður og skáld. Aðeins hefur þó varðveist eitt kvæði eftir hann, Vísur um þá biskup Jón Arason og syni hans, eins konar andlátsminning. Mun hann hafa ort það kvæði ári fyrir andlát sitt. (Sjá einkum: PEÓl: Menn og menntir siðskiptaaldarinnar á Íslandi, IV bindi. Reykjavík 1926, bls. 461–463)