Gleðileg jól

Vinum mínum ég verð að tjá
váleg tíðindi héðan,
en engum má bregða er þeir sjá
örlagaboðskap téðan.

Upp er þið takið tómlegt kort
til þess að lesa og njóta.
Sjáið! Um jól er ekkert ort,
það allanga hefð mun brjóta.

Um þessa hátíð í ára rás
ýmiss var bragur skráður,
af versum það teljast verður glás!
Verði þeim enginn háður.

Að þessu varla orðum kem,
er mér því sæmst að þegja.
Um bása og jötur í Betlehem
búið er allt að segja.