SöfnÍslenskaÍslenska |
Flokkar
Allt (334)
Afmæliskvæði (25)
Ástarljóð (4)
Baráttukvæði (1)
Bæjavísur (6)
Bænir og vers (5)
Daglegt amstur (21)
Eftirmæli (2)
Ellikvæði (2)
Formannavísur (4)
Gamankvæði (24)
Hátíðaljóð (6)
Heilræði (5)
Heimsádeilur (2)
Helgikvæði (1)
Hyllingarkvæði (29)
Jólaljóð (20)
Lífsspeki (14)
Ljóðabréf (10)
Náttúruljóð (49)
Sagnakvæði (1)
Sálmar (1)
Skáldsþankar (55)
Særingar (1)
Tíðavísur (17)
Tregaljóð (8)
Vögguljóð (1)
Þululjóð (6)
Ættjarðarkvæði (9)
Ævikvæði (1)
Kveðið til KiwanismannaFyrsta ljóðlína:Margt er sumum til lista lagt
Höfundur:Haraldur Zophoníasson frá Jaðri
Viðm.ártal:≈ 1975
Tímasetning:1981 - ´82
Flokkur:Gamankvæði
Skýringar
Flutt á samkomu hjá Kiwanismönnum á Dalvík 1981-´82 í orðastað Guðlaugar Björnsdóttur og Þórunnar Þórðardóttur.
1.
Margt er sumum til lista lagt, þær Laula og Tóta - þær Laula og Tóta, geta núna það sama sagt, já Laula og Tóta - já Laula og Tóta. Nú lögðu þær fyrir sig ljóðagerð. Með lítinn brag eru hér á ferð, þær Laula og Tóta - þær Laula og Tóta. Tra, la, la, la, la! 2. Fleira unnu til frægðar sér Laula og Tóta -Laula og Tóta, sem frá er óhætt að inna hér. Laula og Tóta - Laul og Tóta hafa verið og eru enn orðaðar talsvert við Kiwanismenn. Laula og Tóta - Laula og Tóta. Tra, la, la, la, la! 3. Handa Kiwanismönnum mat á málafundum - á málafundum, ætíð framreiddu - og ekkert hrat, með undrun stundum - með undrun stundum hve miklu þeir tróðu í magasekk. Það margoft framaf þeim alveg gekk, á flestum fundum - á flestum fundum. Tra, la, la, la, la! 4. Þó menn héldu vel í mat og drykk þeir mætu svannar - þeir mætu svannar. Þá sýndu báðar þann búkonuhnykk sem best fær sannað - sem best fær sannað: Ef allt er notað og engu fleygt og upphitað bæði soðið og steikt. Og bruðlið bannað - og bruðlið bannað. Tra, la, la, la, la! 5. Er starfsársins liðin öll var önn og upp var staðið - og upp var staðið - og alveg er þetta saga sönn - þá sýndi blaðið - þá sýndi blaðið: að eftir í sjóðnum var summa há, svo sýnt var, að aldrei lagt var á tæpasta vaðið - tæpasta vaðið. Tra, la, la, la, la! 6. Þeim hagsýnum þá í huga datt það heillaráðið - það heillaráðið - varð þeim báðum í geði glatt við góða ráðið - við góða ráðið, og keyptu áhöld í eldhúsið, sem á falla hvorki blettir né ryð. Það vel var ráðið - það vel var ráðið. Tra, la, la, la, la! 7. Megi þið kæru Kiwanismenn kosti njóta - kosti njóta. Leggja fram vilja lið sitt enn, þær Laula og Tóta - þær Laula og Tóta. Féð þær nýttu að fremstu nöf, og fram er reidd þessi vinargjöf til blíðubóta - til blíðubóta. Tra, la, la, la, la! |