Í heybandi

Í heybandi
1.
Golan bylgjar gras í dalnum,
gárar vatn á dökkum sandi,
og hún bærir bjarta hárið
Bergþóru frá Hjallalandi.
2.
Hún er nú í heybandinu,
hleður sátu á skældum reipum,
saxar föng með hröðum höndum,
hrífan svignar undan greipum.
3.
Stundum ber hún stóran poka
– strit er það að vera í bandi –.
Það eru dreifar undan sæti
Einars bónda á Hjallalandi.
4.
Hún þarf stöðugt hátt að spjalla,
hugsa fljótt svo hvergi strandi.
Sælt er að vinna og vera kringum
vinnumann á Hjallalandi.