Flóvent Jónsson 1796–1883

Flóvent var fæddur á Ásláksstöðum í Arnarneshreppi sonur Jóns Flóventssonar hreppstjóra og Guðrúnar Benediktsdóttur konu hans.
Kona Flóvents ( f. 1827 ) var Ingibjörg Benediktsdóttir frá Ölduhrygg í Svarfðardal.
Var hún sögð stjórnsöm kona og ýtin.
Þau Flóvent áttu eina dóttur, sem dó í æsku.
Flóvent bjó á hálfum Bakka 1831-33, en þaðan í frá á Hlöðum til 1865 að hann brá búi.
Gerðist próventukarl á Syðribakka 1867 og var þar til æviloka.
Flóvent var góður búmaður og vel efnum búinn lengstaf. Hann var greindarmaður, fróðleiksfús og hagmæltur. Er kveðskapur hans til í handritum í Landsbókasafni, þar á meðal bæjavísur um bændur í Tjarnarsókn ortar þegar Flóvent bjó á Bakka. (Svarfdælingar II bls. 136)