Björn Gíslason 1762–1846

Björn Gíslason var fæddur í Tjarnargarðshorni sonur Gísla Jónssonar bónda þar og konu hans Helgu Þorláksdóttur. Björn bjó á Bakka 1791-1803, en á Ytri-Gunnólfsá í Ólafsfirði til 1835 er sonur hans tók við búinu, en var hjá honum til æviloka í húsmennsku.
Björn var góður sjómaður og formaður um langt skeið á eigin skipi og hreppstjórn fór hann með í Ólafsfirði í mörg ár!
Björn var margfróður gáfumaður og víðlesinn, skýr og siðprúður.
Hagyrðingur var hann allgóður og er talsvert af kveðskap hans varðveitt í handritum   MEIRA ↲

Björn Gíslason var fæddur í Tjarnargarðshorni sonur Gísla Jónssonar bónda þar og konu hans Helgu Þorláksdóttur. Björn bjó á Bakka 1791-1803, en á Ytri-Gunnólfsá í Ólafsfirði til 1835 er sonur hans tók við búinu, en var hjá honum til æviloka í húsmennsku.
Björn var góður sjómaður og formaður um langt skeið á eigin skipi og hreppstjórn fór hann með í Ólafsfirði í mörg ár!
Björn var margfróður gáfumaður og víðlesinn, skýr og siðprúður.
Hagyrðingur var hann allgóður og er talsvert af kveðskap hans varðveitt í handritum Lbs.
Þar er m.a. að finna formannavísur, sem Björn kvað 1788 um svarfdælska skipstjórnarmenn, en þær eru 26 að tölu.
Sumar lausavísur Björns eru liðlega kveðnar og er hér ein þeirra, kveðin í selaróðri:
Bátinn flytur hræring hrein
hýr að vararsteinum.
Grátin situr álka ein
úti á þarahleinum.   ↑ MINNA