Að bæta einni bók þar við

Að bæta einni bók þar við
og byrja á réttum stað.
Og nýja bók að setja á svið
ég segja vil um það.
Að það er erfitt þreyttum hal
ef þroska vill hann ná,
að setja á blað eitt töfratal
og tökum réttum ná.

Ég aldinn var með unga lund
og eldheitt sálargeð.
Ég byrjaði á grænni grund
sem gamalt lúið peð.
Og þegar ég í stríði stóð
og styrk og efling fann.
Þá fann ég nálgast fjarlægt hljóð
úr föðurlandsins rann.

Ég áfram hélt þá elfdist dáð
en ellin knúði á dyr.
Mér var það samt af sumum láð.
Ég sé það nú sem fyr
að það var mikið þrautaverk
þessu að koma í lag.
En viljaöflin voru sterk
ég valdi þennan brag.