Jónas Tryggvason 1916–1983

Jónas var fæddur í Finnstungu í Blöndudal 9. febrúar 1916, vann við bústörf með foreldrum sínum og systkinum á æskuárunum en fór suður til Blindrafélagsins til læra burstagerð þegar hann eltist og sjóndepran fór ágerast. Hann flutti með Jóni bróður sínum og fjölskyldu hans að Ártúnum 1948 og fékk þar rýmri aðstöðu fyrir bursta sína og bólstrun.
Jónas byggði sér tvílyft hús að Húnabraut 26 á Blönduósi, flutti þangað 1959 og bjó þar til æviloka. Hann tók mikinn þátt í félagsmálum, fór að syngja með Karlakór   MEIRA ↲

Jónas var fæddur í Finnstungu í Blöndudal 9. febrúar 1916, vann við bústörf með foreldrum sínum og systkinum á æskuárunum en fór suður til Blindrafélagsins til læra burstagerð þegar hann eltist og sjóndepran fór ágerast. Hann flutti með Jóni bróður sínum og fjölskyldu hans að Ártúnum 1948 og fékk þar rýmri aðstöðu fyrir bursta sína og bólstrun.
Jónas byggði sér tvílyft hús að Húnabraut 26 á Blönduósi, flutti þangað 1959 og bjó þar til æviloka. Hann tók mikinn þátt í félagsmálum, fór að syngja með Karlakór Bólstaðarhlíðarhrepps þegar hann hafði aldur til, stjórnaði honum síðar í 7 ár og samdi lög fyrir kórinn og söngbræður sína þar. Sönghóp karla úr Lionsklúbbi Blönduóss æfði hann um árabil, kenndi söng við barnaskólann og spilaði við helgiathafnir á Héraðshælinu. Hann var brautryðjandi við stofnun Tónlistarfélags Austur-Húnvetninga og umsjónarmaður með tónlistarskóla héraðsins meðan kraftar hans entust.
Jónas kvæntist Þorbjörgu Bergþórsdóttur frá Fljótstungu. Hún var kennari við Barnaskólann á Blönduósi og áhugamaður um félags- og menningarmál eins og maður hennar.   ↑ MINNA