Björn Jónsson á Skarðsá 1574–1655

Björn var fæddur á Ingveldarstöðum á Reykjaströnd árið 1574, sonur Jóns Jónssonar og Guðrúnar Ketilsdóttur. Jón faðir Björns var fremur lágur maður vexti en þrekinn og var kallaður Jón tittlingur. Hann var lengi formaður á konungsskipi í Höfnum suður. Hann dó í Gröf í Mosfellssveit á leið norður úr veri 1582. Fór Björn þá í fóstur til Sigurðar sýslumanns á Reynistað og hefur þar vafalaust komist í kynni við bókarmennt og mun þar eitthvað hafa numið í latínu. Hann fer að búa á Skarðsá í Sæmundarhlíð um 1605 og bjó þar til æviloka   MEIRA ↲

Björn var fæddur á Ingveldarstöðum á Reykjaströnd árið 1574, sonur Jóns Jónssonar og Guðrúnar Ketilsdóttur. Jón faðir Björns var fremur lágur maður vexti en þrekinn og var kallaður Jón tittlingur. Hann var lengi formaður á konungsskipi í Höfnum suður. Hann dó í Gröf í Mosfellssveit á leið norður úr veri 1582. Fór Björn þá í fóstur til Sigurðar sýslumanns á Reynistað og hefur þar vafalaust komist í kynni við bókarmennt og mun þar eitthvað hafa numið í latínu. Hann fer að búa á Skarðsá í Sæmundarhlíð um 1605 og bjó þar til æviloka og er jafnan kenndur við þann bæ. Björn var fræðimaður mikill og skáld og er Skarðsárannáll eða Skarðsárannálar nú trúlega þekktast rita hans. Björn dó úr steinsótt 28. júní 1655. (Sjá PEÓl: Íslenzkar æviskrár I, bls. 224 og Jón Þorkelsson: Þáttur af Birni Jónssyni á Skarðsá. Tímarit hins íslenzka bókmenntafjelags 1887. VIII árgangur, bls. 34–96)   ↑ MINNA