Vitna ég það og veit mín trú

Greinarhöf, RGS, segir: Á Hryggjum bjó afarmennið Jón sterki Þorsteinsson um 40 ár um og eftir 1700. Jón var karlmenni mikið og vissu fáir afl hans. Hann var afkomandi Hrólfs sterka á Álfgeirsvöllum. Um Jón þennan má lesa í löngum og skemmtilegum þætti eftir Gísla Konráðsson. Jón var hagmæltur nokkuð og vitnar um það vísa ein, sem hann gerði þegar kvenpersóna, Málfríður að nafni, ekki lítil fyrir sér, flutti í nágrenni við hann að Gvendarstöðum. . . . En ekki var fjandi þessi nema tvö ár við bú á Gvendarstöðum.