Ekki eru tamir óðs við stjá

Ekki eru tamir óðs við stjá
allir menn í heimi.
Hreggviður minn hermdu frá:
Hvernig líst þér veðrið á?

Hreggviður svaraði með þremur vísum:

Hann er úfinn, alhvítur,
eldur kúfa á fjöllum;
hengir skúfa í haf niður,
um háls og gljúfur él dregur.

Löðrið dikar land upp á,
lýra kvikar stofan;
aldan þykir heldur há,
hún rís mikið skerjum á.

Hann er svartur, svipillur,
samt er partur heiður,
lítið bjartur landaustur,
ljótt er margt í útnorður.