Á skíðum

Áfram líðum
létt á skíðum
loftsins blíðu njótum.
Eftir fríðum
fanna hlíðum
í fjarskann víða þjótum.

Nem ei staðar
nú ég glaðar
nái hraðar þjóta.
Geisli baðar
brún og laðar
brattans þaðan njóta.

Hjarnið glitrar
glampar titrar
geislar sytra um fjöllin.
Skíðin rita
á skafl og hita
skapa þyt um höllin.

Ég í skyndi
skunda myndi
skeyta ei vindi fráum
ef ég yndi
æðsta fyndi
efst á tindi háum.