Tónleikar

Hvílíkir tónar sem töfruðu mig
og tóku af allan vafa um sig.
Þeir hlupu um salinn með sælubrosi
silkimjúkir einsog mosi
þeir bundu slaufur og slógu á strengi
sem slæða hreyfðust eða blóm á engi.
Ég skynjaði vind og öflugar ár
óminnishiminn sem var svo blár.
Hugurinn dansaði, hló, ég klappaði
hreyfði fætur, vaggaði, stappaði.
Tónlist svo oft mig töfrum beitir
tjáir mér undur, líf mitt skreytir.