Úr hestmenningu

Ungum var þér lífið létt
lagt þér allt til fóta.
Fannst þú eiga fullan rétt
frelsis þíns að njóta.

Að þér stefndu örlög hörð
öllum þunga sínum:
Var ei byrði, beisli, gjörð
brot á rétti þínum.

Þaðan allt þitt ólán draup
ótal mörg var raunin.
Dráttur, burður, harðahlaup.
Hvernig voru launin?

Launin voru veitt með rögg
vógust ekki í pundum:
Sultur, kuldi, svipuhögg
sár og meiðsli stundum.

Hvenær skyldi viskuvald
vanans heimsku dæma
svo að þvílíkt þrælahald
þyki engum sæma.