Minningarljóð

Brostinn er strengur - söngur hörpunnar hljóður,
horfinn af vorri braut.
En minningin ljúfa, lífsins dýrasti sjóður,
líknar og bætir þraut.
Hjálpa þú, faðir, frelsarinn mildur og góður.

Tónanna veröld, tindrandi hrein og fögur
var tilvera þín og líf.
Hljómana skildir, þeirra þýðróma sögur
í þrautunum voru hlíf.
Þráðir sólskinið, söngva og Ijúfar bögur.

Sárt er að kveðja, en sólin hnigur að viði
að síðustu öllum hjá.
Þá finnast þau aftur á ókunnu tilverusviði
sem elska, vona og þrá.
Við þökkum og biðjum - far þú vina í friði.