Söfn

Íslenska
Nynorsk
Esperanto

Persónuvernd:

Vefurinn safnar engum upplýsingum um notendur sína. Leturgerðir eru frá Google sem skráir notkun á þeim.
Vefkökur (cookies) eru aðeins notaðar til þess að halda utan um innskráningar þeirra sem annast efnisstjórn.

Flokkar

Allt  (725)
Ástarljóð  (8)
Biblíuljóð  (3)
Eftirmæli  (11)
Gamankvæði  (12)
Háðkvæði  (5)
Heilræði  (1)
Hindisvík  (2)
Húnaþing  (7)
Húnvetningar  (6)
Jóðmæli  (1)
Jólaljóð  (2)
Kappakvæði  (1)
Lífsspeki  (2)
Ljóðabréf  (6)
Náttúruljóð  (47)
Rímur  (1)
Sagnakvæði  (1)
Sálmar  (2)
Skáldsþankar  (30)
Strandir  (2)
Söguljóð  (10)
Tíðavísur  (1)
Tregaljóð  (2)
Þululjóð  (1)
Ævikvæði  (2)

Bernskujól

Fyrsta ljóðlína:Mjöllinni bingir
Heimild:Húnavaka
Viðm.ártal:≈ 1900
1.
Mjöllinni bingir
að bænum okkar lága;
hún breytir furulundinum
í kirkju víða og háa
silfri þakta
og setta gimsteinum;
himinfallið víravirki
vefst að barri og greinum.
2.
Mamma fer að kveikja
á kertum í stjaka;
dimmunni dreifir
og draumur gerist vaka;
hvítt lín og skúruð fjöl
hlæja við sýn
heilög ró og yndi
af fægðum diski skín.
3.
Við börnin höfum setið
og brugðið sveig og fléttu
brumgrænu jólatré
og stjörnum settu
og látumst ekkert vita
um leikföng og kver,
lögð á milli greina
þar sem enginn sér.
4.
Himindjúp er kyrrðin
sem hnígur á grund;
allt hlustar, sem lífsanda
dregur um stund;
og nú les pabbi guðspjall
og bæn er hvíslað hljótt
svo hljómar jólasöngur
út í snjóhvíta nótt.


Athugagreinar

Í 9.
árg. Húnavökunnar voru birtar tvær smásögur frá Nýja íslandi eftir Vestur-íslensku skáldkonuna frú Hólmfríði Daníelson. Í sama hefti er hennar glögglega getið og er þar farið eftir Vestur-íslenskum æfiskrám. Í 12. árg. Húnavökunnar birtist einnig saga eftir Hólmfríði, sem tilheyrir sama flokki. Hér birtast tvö kvæði eflir hana. Kvæðin hefur þýtt Þorsteinn Valdimarsson skáld.
Í Húnavöku 1969 birti Jakob Þorsteinsson æviskrá Hólmfríðar og segir:
Til þess að lesendur fái sem gleggsta hugmynd um líf og starf þessarar heiðurskonu, tek ég eftirfarandi orðrétt upp úr Yestur-íslenzkum æviskrám:
Hólmfriður Ólafsdóttir (Freda Johnson), f. að Kaldrana í Vindhælishr., A.-Hún., 6. jan. 1899. For.: Ólafur Ólafsson, f. 26. okt. 1849. d. 13. sept. 1906 og k. h. Ragnheiður Sigurrós Bjarnadóttir, f. 30. maí 1869, d. 20. okt. 1937. Hún var dóttir Bjarna Einarssonar, b. í Efra-Lækjardal, A.-Hún., d. 28. nóv. 1906, talinn ættaður úr Mælifellsprestakalli, Skag., og k.h. Hólmfríðar Guðmundsdóttur, f. 5. jan. 1836, frá Heggstöðum í Miðfirði Guðmundssonar. Foreldrar Ólafs voru: ÓIafur Jónsson frá Kistu í Vesturhópi Arngrímssonar, f. 25. marz 1797, d. 4. júní 1862 b. á SyðriRauðamel í Kolbeinsstaðahr., síðar í Gíslabúð á Hellissandi og síðast í Víðidal, og k. h. María Guðmundsdóttir frá Hólabaki Geirmundssonar, f. 19. okt. 1809, d. 13. júní 1862. Hólmfríður fluttist vestur um haf með foreldrum sínum 1900, fyrst til Mountain, K. Dakota, en síðan til Árborg, Man., 1903. Ólst þar upp og hlaut þar barnaskóla- og mið- skólamenntun, lauk síðan kennaraprófi og var skólakennari þrjú ár. Er hún lauk miðskólanámi hlaut hún hæstu einkunnir í öllum námsgreinum, sem gefnar voru í Manitoba, og sérstök verðlaun fyrir afbragðsúrlausnir í verkefnum varðandi sögu Canada. Hefur unnið að margvíslegum menningarmálum í Canada og þá einkum meðal Vestur-íslendinga, t. d. í þágu Þjóðræknisfélagsins og Icelandic Canadian Club. Forseti þess félags 1945—46. Varaforseti fyrir Imperial Order Daughters of the Empire, sem er eitt öflugasta kvennasamband í Canada, og framkvæmdastjóri fræðsludeildar þess í Manitoba. Ritari fyrir Canadian Red Cross milli Winnipegvatns og Manitobavatns 1925—30. í stjórn Save the Children Found um skeið. Hefur starfað í nefndum til að safna fé til Elliheimilisins Betel á Gimli, Sunrise Lutheran Camp, kennarastóls í ísl. fræðum við Manitobaháskóla. Hefur stjórnað leikflokki í Árborg og víðar, ritað leikþætti og hlotið verðlaun í samkeppni um leiklist. Fékk m. a. námsstyrk frá Manitoba Drama League árið 1953, til að leggja stund á leiklist við listaskólann í Banff. Var aðaldriffjöðrin í nefnd þeirri, er sá um skrautsýningarvagn íslendinga á 75 ára afmæli Winnipegborgar 1949, og einnig stóð hún fyrir sögusýningu Islendinga á 100 ára minningarhátíðinni í Spanish Fork, Utah, 1955. Hún hefur starfað mikið í Jóns Sigurðssonar félaginu, verið ritari þess í 15 ár og er nú ævifélagi. Ritari fyrstu lúthersku kirkju í Winnipeg. Hefur ferðazt á vegum Þjóðræknisfélagsins, æft söngflokka, kennt (slenzku og flutt erindi svo hundruðum skiptir um íslenzk menningarmál, sögu, bókmenntir og listir víðs vegar uni Canada og Bandaríkin og í útvarp, og einnig fyrir Imperial Order Daughters. Heimsótti ísland 1938 og dvaldist þar um 10 vikna skeið. Ritstörf: Í ritstjórn The Icelandic Canadian um 7 ára skeið og formaður hennar, hefur skrifað ýmsar greinar í það tímarit. Sá um útgáfu á Iceland’s Thousand Years ásamt próf. Skúla Johnson, og eru þar inngangsorð og fyrirlestur eftir hana. Grein um vestur-íslenzka listamenn í Tímariti Þjóðræknisfélagsins 1950. Lagfærði og fjölritaði bókina „Thre e Times a Pioneer„, eftir Magnús C. Guðlaugsson, Whit e Rock, B. C. (Winnipeg 1958). Ýmsar greinar í blöðum vestan hafs. — Sonur: 1. Baldur Lc Roy Daníelsson, f. 1. júlí 1921, B. Sc. frá Manitobaháskóla, málmfræðingur hjá Vulcan Iron and Engineering, Winnipeg, fyrst aðstoðarmaður Jóns Ólafssonar stálfræðings, síðan yfirmaður, eftir að Jón lét af störfum. Síðan 1952 yfirmaður Hudson Bay Mining & Smelting Co. í Flin Flon, Man. K.: Emily White.