Söfn

Íslenska
Nynorsk
Esperanto

Persónuvernd:

Vefurinn safnar engum upplýsingum um notendur sína. Leturgerðir eru frá Google sem skráir notkun á þeim.
Vefkökur (cookies) eru aðeins notaðar til þess að halda utan um innskráningar þeirra sem annast efnisstjórn.

Flokkar

Allt  (725)
Ástarljóð  (8)
Biblíuljóð  (3)
Eftirmæli  (11)
Gamankvæði  (12)
Háðkvæði  (5)
Heilræði  (1)
Hindisvík  (2)
Húnaþing  (7)
Húnvetningar  (6)
Jóðmæli  (1)
Jólaljóð  (2)
Kappakvæði  (1)
Lífsspeki  (2)
Ljóðabréf  (6)
Náttúruljóð  (47)
Rímur  (1)
Sagnakvæði  (1)
Sálmar  (2)
Skáldsþankar  (30)
Strandir  (2)
Söguljóð  (10)
Tíðavísur  (1)
Tregaljóð  (2)
Þululjóð  (1)
Ævikvæði  (2)

Á eyri vaðs

Fyrsta ljóðlína:Áin kemur upp á heiðum
Viðm.ártal:≈ 2000
Mottó:
1.
Sú er bónin eftir ein
ei má henni leyna
ofan yfir Breiðfjörðs bein
breiddu stöku eina.
Sigurður Breiðfjörð
2.
Ef ég stend á eyri vaðs
ofar fjörs á línu
skal ég kögglum kaplataðs
kasta að leiði þínu.
Bólu-Hjálmar
1.
Áin kemur upp á heiðum
fossar af brúnum í gljúfri þröngu
líður straumlygn hjá eyri vaðs
þagnar og hverfur að ósi
lognaldan salta ber hana í djúpið.
2.
Eftir vökunótt á Stað
við skin miðnætursólar
Sigtýs öl og guðaveigar
skilja leiðir við ána.
Tíminn er svartur fugl við sjónhring.
3.
Eins og árstraumurinn tær
sem aðskilur bakka tvo
rennur óttan blá í einum farvegi
þessa einu nótt
þessa einu vökunótt á Stað.
4.
Líkt og köggull kaplataðs
sem áin fleytir til hafs
þannig hverfur í dúpið
nótt ein á Stað. Dagur rennur
og draumur verður að steini.
5.
Skáld sem stendur á eyri vaðs
og nemur nið árinnar
sér dagana streyma að ósi
og aldirnar sökkva í sæ.
Hvar er trú þín, græna jörð?
6.
Upptök árinnar:
Einn dropi á heiðum.
Elfurin rauða: Beiskur bikar
Kvasis dreyri í hjarta
og – ein vökunótt á Stað.
7.
Í upphafi var orðið
og vötnin á heiðum.
Yfir hvelfist himinn hár.
Áin: Stundaglas draumsins.
Orðið: Blómkróna á bakka.
8.
Milli heiðarinnar sem geymir
dýragrasið bláa
og hafsins sem dregur til sín
árstraumin tæra:
Orðsins fylgd og vornótt á Stað.
9.
Komir þú á Grænlands grund
eða gistir Akrahrepp
gefðu vatninu gleði þína
vindinum sorg þína.
Sem gára á vatni er veraldar hylli.
10.
Gangir þú að Hrútafjarðará
gjörir ferð svo langa
horfðu þá á ljósbrotið
gult, rautt, grænt, blátt
og óskir þínar munu rætast í djúpinu.
11.
Vatnið sem rennur af heiðum
eftir hvössu grjóti
orðið sem kviknar af eldi
rauðrar miðnætursólar:
Daggardropar á steinum tveim.
12.
Sem glitský yfir jökli hvelfdum
er gleði horfinna stunda.
Liðin er vökunótt yfir brjóstbirtu
og Boðnar miði höfgum.
Leiðir skilur á eyri vaðs.
13.
Við árinnar endalausa nið
undir vorhimni víðum
kveður skáldið greppinn rímna
og bjarmaland næturinnar.
Foldar duft fýkur í gengin spor.