Söfn

Íslenska
Nynorsk
Esperanto

Persónuvernd:

Vefurinn safnar engum upplýsingum um notendur sína. Leturgerðir eru frá Google sem skráir notkun á þeim.
Vefkökur (cookies) eru aðeins notaðar til þess að halda utan um innskráningar þeirra sem annast efnisstjórn.

Flokkar

Allt  (725)
Ástarljóð  (8)
Biblíuljóð  (3)
Eftirmæli  (11)
Gamankvæði  (12)
Háðkvæði  (5)
Heilræði  (1)
Hindisvík  (2)
Húnaþing  (7)
Húnvetningar  (6)
Jóðmæli  (1)
Jólaljóð  (2)
Kappakvæði  (1)
Lífsspeki  (2)
Ljóðabréf  (6)
Náttúruljóð  (47)
Rímur  (1)
Sagnakvæði  (1)
Sálmar  (2)
Skáldsþankar  (30)
Strandir  (2)
Söguljóð  (10)
Tíðavísur  (1)
Tregaljóð  (2)
Þululjóð  (1)
Ævikvæði  (2)

Kvenfélagsbragur

Fyrsta ljóðlína:Hvar skyldi betra kvenfélag
Heimild:Sól rann í hlíð bls.158-160
Viðm.ártal:≈ 1975
1.
Hvar skyldi betra kvenfélag?
Kveða skulum við um það brag. –
Ef þær vilja, ef þær bara vilja
ekkert hindrar fljóð.
2.
Kaupa þær mjöl og baka brauð
bjarga öllum frá sulti og nauð.
Ef þær vilja . . .
3.
Þær hafa gleði af góðverkum
geði blanda með fársjúkum.
Ef þær vilja . . .
4.
Prjóna þær bæði sokka og sjöl
sumar kunna að brugga öl.
Ef þær vilja . . .
5.
Byggja þær húsin há og traust
hér er allt vandað og gallalaust.
Ef þær vilja . . .
6.
Syngja þær ljúflingslög við raust
listaeðlið er dæmalaust.
Ef þær vilja . . .
7.
Margt getur skeð í minni sveit
mjólkuð er bæði kýr og geit.
Ef þær vilja . . .
8.
Afkastamiklar eru þær
aldrei í rúmið þeim bóndinn nær.
Ef þær vilja . . .
9.
Á öllu reynist hér réttur blær
ræðusnillingar eru þær.
Ef þær vilja . . .
10.
Ef harðnar á dal hjá hrjáðri þjóð
hingað má sækja ráðin góð.
Ef þær vilja . . .
11.
Kunn eru þeirra kennslustörf
koma að notum ráðin þörf.
Ef þær vilja . . .
12.
Best er að senda þær á þing
þeirra störf munu reynast slyng.
Ef þær vilja . . .
13.
Fylgi þeim ætíð farsældin
framtíðin verði gullroðin.
Ef þær vilja . . .
Lag: Ég skal gefa þér blómin blá