Sannleikur og lygi

Sannleikr og lygi.
Sannleikur Lygi sagði við:
„sárt er hvernig þú myrðir frið,
bakar svo mörgum böl og tjón,
bráðgírug eins og hungrað ljón.
Grenjandi hér þú fer um frón.“

„Skaðráð þú lýði öllum ert,
öllum þó nokkuð tengd þú sért;
alveg gengur það yfir mig,
á þér fá menn ei varað sig.
Heimsræka gera þyrfti þig.“

„Láttu’ ekki svona lagsi minn,“
Lygin sagði með bros á kinn:
„eg er starfandi eins og þú, —
örugg og styrk í minni trú.
Hver vill sitt eigið bæta bú.“

„Ef að ég væri ekki til,
yrðu lítil þín fremdar skil;
frægð þina þakka máttu mér, —
meðan heimur við líði er
samferða verða þarf ég þér.“ S.