Söfn

Íslenska
Nynorsk
Esperanto

Persónuvernd:

Vefurinn safnar engum upplýsingum um notendur sína. Leturgerðir eru frá Google sem skráir notkun á þeim.
Vefkökur (cookies) eru aðeins notaðar til þess að halda utan um innskráningar þeirra sem annast efnisstjórn.

Flokkar

Allt  (725)
Ástarljóð  (8)
Biblíuljóð  (3)
Eftirmæli  (11)
Gamankvæði  (12)
Háðkvæði  (5)
Heilræði  (1)
Hindisvík  (2)
Húnaþing  (7)
Húnvetningar  (6)
Jóðmæli  (1)
Jólaljóð  (2)
Kappakvæði  (1)
Lífsspeki  (2)
Ljóðabréf  (6)
Náttúruljóð  (47)
Rímur  (1)
Sagnakvæði  (1)
Sálmar  (2)
Skáldsþankar  (30)
Strandir  (2)
Söguljóð  (10)
Tíðavísur  (1)
Tregaljóð  (2)
Þululjóð  (1)
Ævikvæði  (2)

Inn Húnaflóa

Fyrsta ljóðlína:Nú beygir fleyið fyrir Horn
Heimild:Nokkur kvæði og vísur bls.96-97
Viðm.ártal:≈ 1950
Flokkur:Hindisvík

Skýringar

við förum bauginn . . . = Norðurskautsbaug
1.
Nú beygir fleyið fyrir Horn,
við förum bauginn stundarkorn,
en brátt er land á bak og stjór
og blikar sléttur sjór.
Hér Reykjahyrnu syðsta sér,
í sama miðið fjöllin ber,
er hér um flóann halda vörð
þau Horn og Drangaskörð.
Við könnumst nú vi Geirólfsgnúp,
er gengur fram við Strandadjúp.
Af Drangajökli birtu ber,
sá bjarmi líkur gulli er,
og sveit er dýr,
á sumri hýr
en samt hér enginn býr.
2.
Nú strik er sett og stefna bein,
við stýrum djúpt af Gjögurshlein
nær miðjum flóa móti sól,
á miðum fljóta ból.
En sjómenn kátir koma heim
og konur ungar fagna þeim.
Um nes og vík og Bala bær
er byggður fjær og nær,
í grimmum dal með galdrana
á grundunum úti á Kaldrana
og eins og saga innir forn
við Ennisstiga og Kaldbakshorn,
und felli há
og hyrnu blá
má húsabæi sjá.
3.
Þó víða ennþá vatni lönd,
af víði rís hin lága strönd
hjá Hindisvík og Vatnsnestá
og Vitanes þar hjá.
Þar höfn er fyrir Húnaþing,
er hefur fagra innsigling,
til vinstri handar hamrabrún
á hina gróin tún
og úti fyrir eyjar, sund,
en inn af vogi sand og grund
og vötn og sléttur víðlendar
hjá Víkurnúp, er starir þar
við heiðið hátt
á landið lágt
og lagardjúpið blátt.


Athugagreinar

Lag: Kátur bóndi eftir Schumann