Spakmæli Héðins

Ég er hissa á vilja mínum! sagði Héðinn seinna í spaugi og alvöru. Var kannski um húnvetnska fylgju að ræða, seiglu skottunnar sem gekk öldum saman milli bæja, fótalaus, með grágljáandi vanga innfallna? Húnaþing mótaði börn sín í eigin mynd, var sagt, þetta víðlenda hérað sem bauð upp á einveru og var byggt búhöldum sem þurftu ekkert til annarra að sækja; Húnvetningurinn var hvorki skagfirskur oflátungur né þingeyskur skýjaglópur, sögu þeir, heldur hagsýnn stórbokki.
Héðinn rámaði í þessar lýsingar af samræðum foreldra sinna; var ég   MEIRA ↲

Ég er hissa á vilja mínum! sagði Héðinn seinna í spaugi og alvöru. Var kannski um húnvetnska fylgju að ræða, seiglu skottunnar sem gekk öldum saman milli bæja, fótalaus, með grágljáandi vanga innfallna? Húnaþing mótaði börn sín í eigin mynd, var sagt, þetta víðlenda hérað sem bauð upp á einveru og var byggt búhöldum sem þurftu ekkert til annarra að sækja; Húnvetningurinn var hvorki skagfirskur oflátungur né þingeyskur skýjaglópur, sögu þeir, heldur hagsýnn stórbokki.
Héðinn rámaði í þessar lýsingar af samræðum foreldra sinna; var ég þá hvort tveggja, hugsaði hann, með þingeyskan safa og húnvetnskt blóð í æðum, skýjaglópur og stórbokki – hjarðhvötin, einstaklingshyggjan . . . var kannski hægt að sameina þetta tvennt svo vel færi?
Hátt mark skyldi manna hver . . . Matth.Viðar Sæmundss/Héðinn bls. 428 Vitnað í P.V.G. Kolka Föðurtún bls. 472, 468   ↑ MINNA