Karlakór Bólstaðarhlíðarhrepps

Þeir gistu í gangnakofa
með gömlum hefðarbrag.
Létta veig þar lofa
er lyftir andans hag,
fara seint að sofa
en syngja fram á dag.

Og löng er sögu leiðin
og leiftrandi í senn,
frá því hýsti heiðin
hrausta gangnamenn
er hófu söngvaseiðinn
sem að hljómar enn.

Þá leitarmenn skal lofa
er leggja á dal og fjöll,
finnst það synd að sofa
sælu dægrin öll,
og gamlan gangnakofa
gera að söngvahöll.