Ærnafnavísur

Ártal nítján aldirnar
um í flýti skrifa.
Sextán hnýti þó við þar
þegar lítið svo til bar.

Að ég hripa ærnöfn fór
upp úr gripin minni
þanka svipur þó er mjór
því mig fipar vesöld stór.

Yfir kindum oft ég stóð
uppá rindum, hólum
hreyfði yndi hyggju slóð
þó herti vindur kuldaflóð

Mér til stunda styttingar
stíla mundi nöfnin
tvær og hundruð tvennar þar
tíu fundnar viðbættar.

Mér hefur snúist margt í vil
minn er lúinn dugur.
Þetta bráðum búið spil
best er nú að gjöra skil.

Dokka, Hnota, Hönk, Klippa
Hæggeng, Tota, Kinna, Spök
Raungóð, Sprota, Ró, Trippa
Reppa, Pota, þeygi slök.