Landvættirnar

Landvættirnar landið verja
lóna og sveima kringum það.
Ef einhver skyldi á það herja
eru þær á vísum stað.

Fjórar eru öðrum stærri
eiga fjögur höfuðból.
Svo eru einnig aðrar smærri
eiginlega í hverjum hól.

Feikna DREKI flýgur eystra
FUGLINN gætir Norðurlands
BOLI sér um svæðið vestra
syðst eru slóðir BERGRISANS.

Á sínum stað þær sinna verki
en samt þær geta stundum hist
við skyldustörf í skjaldarmerki
en skelfing er það daufleg vist.