Sigríður Jónsdóttir frá Haukagili/Eyrarkoti 1855–1933

Fædd á Haukagili í Vatnsdal. Foreldrar Jón Jónsson og Elínborg Guðmundsdóttir á Gafli í Svínadal. Maður hennar var Davíð Jónatansson frá Marðarnúpi - meðal barna þeirra voru Steingrímur skólastjóri á Blönduósi og Lúðvík Norðdal læknir á Selfossi.
Í Íslendingabók segir: 6. september 1855 - 18. júní 1933 Fósturbarn í Grímstungu, Grímstungusókn, Hún. 1870. Vinnukona á Smyrlabergi, Hjaltabakkasókn, Hún. 1880. Húskona á Njálsstöðum, Höskuldsstaðasókn, Hún. 1890. Húsfreyja í Eyrarkoti.
Sigríður þótti ör í lund, bráðgáfuð og fljót til svars. Ekki var hún síður hneigð til bóklegra mennta en Davíð maður hennar. Heimild: Lúðvík Norðdal Davíðsson - æviágrip 2020