Sveinn Sölvason lögmaður 1722–1782

Sveinn var sonur Sölva Halldórssonar klausturhaldara á Munkaþverá og konu hans, Halldóru Jónsdóttur frá Tungu í Fljótum. Sveinn nam lög í Kaupmannahöfn og lauk prófi í þeim 1742. Varð hann sama ár varalögmaður norðan og vestan og síðan lögmaður 1746 og hélt því embætti til æviloka og bjó á Munkaþverá. Sveinn ritaði nokkuð um lögfræði og skrifaði Íslandsárbók 1740–1781. Hann orti einnig talsvert og voru rímur hans af Gissuri jarli Þorvaldssyni prentaðar í Leirárgörðum árið 1800.