Mér finnst það nú miður hér

Mér finnst það nú miður hér
mitt í þjóðarsáttinni,
að svartir djöflar sækja að mér
sinn úr hverri áttinni.

Þetta er svika-hulduher
hér í þjóðarsáttinni,
sjúkdómarnir sækja að mér
sinn úr hverri áttinni.

–––––––-
Ég held að ég sé hér um bil
að hrynja allur saman.
Ég er að fara fjandans til
og finnst það ekkert gaman.

Æ mér líður ekki vel
eg verð það að játa.
En fari það í heita hel,
að hetjan fari að gráta.