Kvæða- og vísnasafnið Haraldur

Söfn

Íslenska
Nynorsk
Esperanto

Persónuvernd:

Vefurinn safnar engum upplýsingum um notendur sína. Leturgerðir eru frá Google sem skráir notkun á þeim.
Vefkökur (cookies) eru aðeins notaðar til þess að halda utan um innskráningar þeirra sem annast efnisstjórn.

Braggavarðarþula

Fyrsta ljóðlína:Blessaður Íddi Bakkagé
Heimild:Krosshólshlátur bls.92
Viðm.ártal:≈ 1975
Tímasetning:1978

Skýringar

Hjörtur og Árni sonur hans fóru fram í Bragga að sækja kvígur frá Tjörn á gangnadag 1978. Gangnamenn voru á fjalli og Íddi ( Ríkarður í Bakkagerði ) einn í Bragganum, en hann gengdi embætti braggavarðar.
Er yngri synir þeir Kristján og Hjörleifur komu að um kvöldið kom í ljós, að einhverjir höfðu komist í nesti þeirra og drykkjarföng! Fór raunar ekki á milli mála hverjir voru þar að verki!
Blessaður Íddi Bakkagé
Braggans gætti ef að ske
kynni að þrælslegt þjófalið
þyrði að trufla hússins frið,
skriði fram úr felunum
og fyllti sig á pelunum,
træðist niður í töskurnar
og tæmdi allar flöskurnar,
bryti stoltu stútana
og stórskaddaði kútana.
Þá yrði gól og gráturinn
og gleymdist Krosshólshláturinn.