Kvæða- og vísnasafnið Haraldur

Söfn

Íslenska
Nynorsk
Esperanto

Persónuvernd:

Vefurinn safnar engum upplýsingum um notendur sína. Leturgerðir eru frá Google sem skráir notkun á þeim.
Vefkökur (cookies) eru aðeins notaðar til þess að halda utan um innskráningar þeirra sem annast efnisstjórn.

Vorvísur

Fyrsta ljóðlína:Velkomið vor
Heimild:Íslendingur
Viðm.ártal:≈ 1925
Tímasetning:1919
Flokkur:Náttúruljóð
Velkomið vor!
Lífsaflið leysir úr fjötrum
landið mitt færir úr tötrum.
Velkomið vor.

Sólríka vor!
Ljómandi ljósgeislar kvika.
Leiftrandi á himninum blika.
Sólríka vor.

Líknandi vor!
Frostmeiðslin gyllir og græðir.
Grundina blómskrúði klæðir.
Líknandi vor.

Yndi og líf!
Alsstaðar auganu mætir.
Angraða sálina kætir.
Yndi og líf.

Lof sje þjer Guð!
Þú sem ert himninum hærri.
Heiminum gjörvöllum stærri.
Lof sje þjer Guð.