Í Hólakirkju er hollur siður

Jón Sigurðsson, bóndi í Hrepphólum var meðhjálpari í Hrepphólakirkju. Hann fékk slæmsku í mjaðmirnar og gat ekki setið lengi kyrr, heldur varð að standa upp öðru hvoru.
Við messu varð honum á að standa nokkru oftar upp, en gert er ráð fyrir í messunni. Kirkjugestir voru ekki sem vissastir á því hvenær skyldi standa upp og hvenær ekki og stóðu þeir því jafnan upp um leið og meðhjálparinn.