SöfnÍslenskaÍslenska |
Flokkar
Allt (113)
VesturförinFyrsta ljóðlína:Er sumarvindur um sveitir blés
Höfundur:Skúli Guðmundsson alþingismaður
Heimild:Tíminn dagblað. bls.23.mars 1965
Viðm.ártal:≈ 1975
Skýringar
Bjarni Benediktsson (eldri) þá forsætisráðherra, fór í opinbera heimsókn til Lyndons B. Johnson forseta Bandaríkjanna. Hann tók á móti Bjarna í garði, þar sem hann viðraði hundana sína.
Á sama tíma eða um líkt leiti fór Guðmundur Í. Guðmundsson utanríkisráðherra til Finnlands og Gylfi Þ. Gíslason menntamálaráðherra á Olympíuleikana í Tokío. Fjármálaráðherra var Gunnar Thoroddsen.
Er sumarvindur um sveitir blés
og síldin var austan við Langanes, í ferðalög bjuggu sig fyrirmenn, þeir flugu í loftið og hurfu senn. Síðan hann Bjarni okkar Benediktsson birtist á hlaðinu í Wasington, til að hitta þar húsbóndann háæruverðugan tignarmann. Í bæjarsundi fann Bjarni prik og barði á dyr eftir nokkurt hik. Svo hörfaði hann örlítið aftur á bak því inni var hundgá og fótatak. Þá hreyfðist klinkan og hurðin féll inn og hundaþvaga og forsetinn barst út á hlaðið með háum klið, þá heilsaði Bjarni: „Sæl verið þið“. „Já, sæll vertu ráðherra úr Reykjavík, þú ert röskur að ferðast, -svei þér tík-, um þúsund rastir þú komst til mín, -þegiðu Sámur og skammastu þín-. Þið ferðist og sitjið á fundunum, -fjárans læti eru í hundunum- En þó þeir urri og yggli sig ég ætla að þeir muni ekki bíta þig.„ „Íslenski ráðherra okkur hér er ánægja mikil að kynnast þér og mikils vert er um vinskap þinn, -verst er að ég get ekki boðið þér inn, í kaffisopa, því konan fór í kaupstað í dag og bæjarslór, -svo þunn verður koman í þetta sinn„ „Já, það gerir ekkert til Johnson minn“ „Ég skrapp hingað vestur í skemmtiferð á skýjafáki af bestu gerð, því veðið er ágætt frá degi til dags og dáyndis hentugt til ferðalags. Til Finnlands í gær hann Guðmundur fló og Gylfi er austur í Tókíó, svo telja verður að það gangi glatt, hann Gunnar er heima að rukka inn skatt. Athugagreinar
Flutt í þingveislu.
|