SöfnÍslenskaÍslenska |
Flokkar
Allt (113)
Gamankvæði um frambjóðendur í Árnessýslu 1923Fyrsta ljóðlína:Nú heyanna hvíldin er fengin
Viðm.ártal:≈ 1925
Skýringar
Frambjóðendur við alþingiskosningar í Árnessýslu 27.okt.1923 voru í þeirri röð sem þeir koma fyrir í kvæðinu: Þorleifur Guðmundsson bóndi í Þorlákshöfn, Magnús Torfason sýslumaður á Eyrarbakka, Gísli Skúlason prestur á Stóra-Hrauni við Eyrarbakka, Sigurður Sigurðsson frá Langholti búnaðarráðunautur í Reykjavík, Ingimar Jónsson prestur á Mosfelli, Jörundur Brynjólfsson bóndi í Skálholti og Páll Stefánsson bóndi á Ásólfsstöðum.
Nú heyanna hvíldin er fengin
og haustið situr við völd en önnur í garð er gengin er grípur um strengina öld. Nú stjórnmálin hugina hefja frá hversdagsönnum og reyk þó hver annann vilji þeir vefja við verðum að fylgja þeim leik. Á þingstaðinn hópar nú halda því hér verður ótal margt sagt sem þarft sé fyrir óborna og aldna og ef til vill höggvið og lagt. Og forvitnin vaknar af vonum og við skulum líta þar inn að heyra hvað svellalands sonum nú segist um þingvilja sinn. Hann Þorleifur þéttur á velli stóð þarna og brýndi nú raust, „já, leitt er að laxinn mig felli sem leynt átti að vera mitt traust og þegar ég þings er á bekknum er þrautseig mín persóna og slyng. Þið kaupið ei köttinn í sekknum ef kjósið mig næsta á þing.„ Hann Magnús var þarna með veldi og vildi til þingferðalags. Hann sagði ekki komið að kveldi né kyrrð síns stjórnmáladags og allar ég þarfirnar þekki í þinginu reynst hef ég trúr fyrst Ísfirðir vildu mig ekki ég ykkur skal verða sem múr. Þar Gísli var forkunnarfríður með fagnaðarerindi nýtt. Hann drottins er dásemdarsmíði og dæmalaust talar hann blítt. „Ég tryggja vil konur og karla og kaupa frá örbirgð og neyð og hinum ef hlotnast að falla ég hlaupa vil þingmannaleið.„ Hann Sigurður gamli okkar góði nú gjörist í sæti ókyrr og óskaði hátt og í hljóði að hann yrði kosinn sem fyrr Ég vitna ei né votta það glaður hvar verð ég í pólitík næst en ég er ei Jónasarmaður og ég ætla að standa honum fjærst. Hann Ingimar gæfan oss gefi að geti hann komist hér að. „Ég messað á Mosfellli hefi og mikið ég vandað hef það og bolsvikka óttast þarf ekki, þeir eiga ekki ræturnar hér og þjóðmálin fullvel ég þekki í þinginu ég kunnugur er.„ Hann Jörundur bauðst fram að bera fyr brjósti hvað nytsamt er var. En ónot hann setti í séra og Sigurð er meinlaus stóð þar. „Og Framsókn ég fylgi eins og gengur og fyrst um sinn verð ég þar kyrr og vonandi verð ég þar lengur við völdin en nafni minn fyrr.„ En Pál vorn hann vantaði einan og varð ekki séður um kring af því hann sá það um seinan hvað sjálfsagður væri hann á þing. „En við erum ei allir vinir og vissum til höfuðs mig set ég verð ekki verri en hinir og vanda mig eins og ég get.„ Ég segi ekki sögur af fleirum er sást og heyrðist þann dag, þó allmargt vor legði í eyru sem eins mætti færa í brag. Og gæfan oss gefi þá alla með glóandi framfarabál, við fengjum þá fyrirtaks kalla að flytja á þingi vort mál. |