SöfnÍslenskaÍslenska |
Flokkar
Allt (113)
Konuvísur í Fljótshlíð 1915Fyrsta ljóðlína:Dísin óðar himinhá
Höfundur:Helga Pálsdóttir vinnukona Grjótá
Viðm.ártal:
Dísin óðar himinhá.
hjálp mér veittu þína, sónarskál mér skenktu á, skerp þú sansa mína. Að Mímisbrunni mæt og hlý mig ef til þín kallar, fram skal telja Fljótshlíð í forráðskonur alIar. Í Fljótsdal, drótt ef segir satt að sannrar Iukku ráðum þá Kristrúnu geð með glatt giftist Úlfar bráðum. Göfug, lipur, góð og fín, grundum spanga fegri, veit ég enga veigaIín vera myndarIegri. Barkarstaða húsfrú hýr, til hverrar snauðir vona, Margrét heitir, dyggða dýr dáfríð sómakona. Fátækir þar finna skjól, fyrnast raunastundir, blessi Drottinn baugasól brekkum Hlíðar undir. Háamúla húsfreyjan heitir Margrét Iíka, ráðsnilld vinnur, auði ann auðnukonan ríka. Þórunn frjáls með dyggða dug dáðrík jafnan hreyfði af snilld og ráði hönd og hug heilsa meðan leyfði. Ekkert þekki ég auðarskorð, en með dyggðagnóttir fær almennings ágætt orð Elín Kjartansdóttir. Þess ég getið líka læt ljóða í smáu safni: Sigríður í Múla er mæt, merkiskvenna jafni. Hygg ég muni sérhver sjá sem þar eftir heggur, allt með prýði er henni hjá hendur að sem leggur. Í Múlakoti Þórunn þýð þakin snilldarráði, heilsuþrot og hugarstríð hún oft líða náði. Bæti Drottinn bölið það og blessi auðarþöllu, gömul sár þó geti ei að gróið fullu og öllu. Á sama bænum Guðbjörg góð græðir hrós að vonum, Fegursta á fljóðið sjóð Fljótshlíðar af konum. Útlend bæði og innlend blóm og allskyns plantar viði, hugsar um það hýr og fróm húsfreyjan í friði. Allt með prýði um gengur, á öllu er fríður svipur, glöð við lýði Guðríður gáfuð, þýð og lipur. Sigríður sín vandar verk vel með huga fúsum , nýt er klæða niftin merk í Nikulásarhúsum: Myndarleg er menjaslóð margt kann þar á benda, Kristín fögur, kát og góð kona á Hlíðarenda. Í Hallskoti Ingibjörg oft með glöðu sinni þolinmóð þó þrengi að mörg þraut í fátæktinni. Stillt og hæg við störfin sín stundar þau með prýði, myndarleg er mjög Elín mild og góð við lýði. Á Þverá efri þýð og fjörg þrátt með kærleik fínum hefir Ingi- bezt þar -björg að börnum hlúað sínum. Í Deild er aldin Ingibjörg, ung í ráðdeildinni þó hafi skúrin mótgangs mörg myrkvað hjartans inni. Baugsól rösk víð búskapinn beztu ráðin grundar, hún Sigríður hópinn sinn heiðarlega stundar. Á Heylæk þess ég helzt fann vott hvað oft snauða kætti, öllum helzt vill gjöra gott Guðrún, framar mætti. Þó heilsu vanti og hrannarbál hót ei náir kvarta, því göfuga og góða sál Guðrún ber í hjarta. Lítt við heims þó leiki prjál lundu geymir hýra væn og trygg og vel forsjál Valgerður bústýra. Valgerður er vinnusöm vel sú ráðin grundar hýr í Teigi hringsól fröm heimili sitt stundar. Að gjöra öðrum greiða er kært og gleðja af auðlegð sinni, hún það eflaust hefir lært af henni móður sinni. Vandar öll sín verk með dáð vélar trúskap eigi kennir engin klækjaráð Kristín Gróa í Teigi. Er við hjú sín ávallt góð engri hörku beitir, Í dagfarsprýði dyggðugt fljóð dæmi öðrum veitir. Hraust og rösk og hress við störf hagleiks meður gnóttir er við bú sitt einlægt þörf Ólöf Halldórsdóttir. Þórunn meður hraustri hönd hug og ráði vinnur, sárar þarfir seima strönd sinna barna finnur. Forðum þó ei fengi neitt fögrum Teigs af auði furða er, hvað fær hún veitt fólki af sínu brauði. Margrét kát og hugarhlý hrein og frjáls í svörum hlutdeild tekur einatt í annarra sorgarkjörum. Vandar gjörvöll verk og orð vel með hug ódeigum mörgum góðu menjaskorð miðlar af smáum eigum. Arndís hreinleg, hraust og sterk, hana lofa þjóðir, á hendi vanda hefir verk hún sem stjúpa og móðir. Ung bústýra, Elínborg, auðar ber af sólum, hún þó marga hafi sorg Hellis- reynt á hólum. Siðug, kurteis seimarún síst um vini breytir, systurbörnum sínum hún sannar tryggðir veitir. Hæg og góð sinn heldur veg með hóp framtíðar vona, Vilborg ung og efnileg er Grjótáar kona. Þórunn kát með þelið hlýtt þungum hrindir trega, hefir bæði blítt og strítt borið prýðilega. Guðbjörg þjóða græðir hrós gleður snauðra sinni, er ljósmóðir ágæt drós ein í Fljótshlíðinni. Munns og handa hagleik ber hreinlynd stundar sóma, orðvör, temur aldrei sér á aðra að leggja dóma. Kirkjulækjar kennd við byggð kappsöm hringaskorðin, sem Kristínar trausta tryggð til er varla orðin. Orðvör, lastar engan mann er með dulu sinni, sig ei mörgum kynna kann né kvarta í fátæktinni. Ánægð vel sér unir fjörg við yndi smárra sona Í miðbænum Ingibjörg, ung og dugleg kona. Blíð Ragnhildur barna sín bezt kann siði vanda væn, er að sér veigalín vel til munns og handa. Hraust og kát um hyggjutún hagsýn ráðin grundar séra Eggerts systir, hún sæmd og dyggðir stundar Marga þunga mæðustund Margrét líða hlýtur, en skýr og vandvirk skikkjuhrund skynseminnar nýtur. Stjórnsöm, iðin lngileif engu sleppti færi, áfram lífið örugg kleif erfitt þó að væri. Að verki talin vel er fljóð, væn með sinni fjörgu, heyri ég gjörvöll hrósar þjóð henni Sigurbjörgu. Á Kvoslæk Guðrún ekkja er elskar dyggð og friðinn, góðvild sanna í brjósti ber baugsól fróm og iðin. Hreinvirk, iðin, hæg í lund, hýr við gesti sína trygg og ástrík auðarhrund Oddsdóttir Jónína. Halldóra er hress og kát þó hrannar vanti ljóma, þolinmóð og lítillát lindin seima fróma. Öðrum fremri að ætlan mín auð þó hafi lítinn. Halla efni hirðir sín hagsýn bæði og nýtin. Sigríður sem blóma ber, burtu hrindir drunga, fríðust kona í Fljótshlíð er falda sólin unga. Fögur tollir fleins hjá þoll fjörið mollu eyðir, á bænum Kolla blíð og holl baugsól hrolli eyðir. Á Tumastöðum Herborg hýr hót kann vinnu ei fresta, aldrei kvartar auðgrund skýr þó eitthvað kunni að bresta. Trúfast hjarta í brjósti ber, börn sín stundar ungu, dyggðug, frjáls og ánægð er lngileif í Tungu. Oft sem gleður auman lýð artar meður gnóttir göfug kona, greind og fríð Guðrún Magnúsdóttir. Klædd manngæsku fagri flík fljóði ég lýsi svona : Drós er frjáls og dyggðarík, dugleg Vatnsdalskona. Guðrún rauna gengur slóð götu horfnra vona, í fremsta kvenna flokki stóð forsjál myndarkona. Myndarleg er menjabrík meður dyggða gnóttir, orkustór og auðnurík Anna Jóhannsdóttir. Ei þó hafi efni mörg oft með lyndi glöðu Sveini borin Sigurbjörg sinni trú í stöðu. Vendir fús til vinnunnar veitir huga þörfum Guðrún, dóttir Guðmundar gætir að konustörfum. Aðalheiður glöð og góð geymir kærleik sanna í þrautunum er þolinmóð þundar klæða nanna. Kappsöm, iðin, fjörg og frjáls fylgir anda hröðum, - þessar nunnur elda áls eru á Torfastöðum. Ber af öðrum falda frigg fagrar söngva gnóttir við störfin sín er stillt og dygg Steinunn Halldórsdóttir. Anna vönduð, vinum góð, væn með anda glöðum kyndir fagra kærleiksglóð kona á Sámsstöðum. Er Jóhanna ágæt drós og með dyggðum fínum gullfagurt við gáfnaljós gegnir skyldum sínum, Þórunn blíð og frjáls og fríð fælir stríðan trega, gleður lýði glöð og þýð gáfuð prýðilega. Manngæzku þar mætust sól mestum skín í blóma veitir snauðum vist og skjól vafin dyggð og sóma. Bú sitt stundar vel, og víst vænstu hér með konum, í Árnagerði Sigrún sízt sink á góðgerðonum. Í Bjargarkoti brestur hér bezt hvað gleður lýði, sína fátækt Sólveig ber samt með dyggð og prýði. Hamingjunnar krýnd er krans kær með dyggða gnóttir, göfugan ber gáfnafans Guðrún Hermannsdóttir. Mjög á fagurt motursgjald, mörgum kostum búin ber hreinleikans háan fald heiðvirð Staðarfrúin. Steinunn, geðug gefni líns góð ráð trúi ég noti, stýrir búi bróður síns bezt í Háakoti. Í fögrum dyggðum fram gengur fróðleiks meður gnóttir gæðakonan Guðríður góðlynd Vigfúsdóttir. Þolinmóð er þýðlynd drós þó að sárt til kenni, trúar fagurt tendrað ljós til þess hjálpar henni. Góðan orðstír getur sér í gestrisninnar hjúpi þrátt fram beina þjóðum ber Þuríður á Núpi. Veigasól ei vantar björg vafin dyggða blóma. Fæddi börnin fjölda mörg og fóstrar þau með sóma. Ekki kvíðir angri kífs yndis meður gnóttir ung fram gengur götu lifs Guðrún Pétursdóttir. Fjörg við störf án fordildar fögur hringasólin, búnar eru bögurnar, bragnar kveði um jólin. ––––––––––––––––––––– Hagyrðingar, lasin ljóð lagið þau með prýði. Fyrirgefið, fljóðin góð fátækt vísnasmíði. Síðan fæddist Kristur klár - kærleiks ljósið blíða - tuttugustu aldar ár er fimmtánda að líða. Nafn mitt harla nærgætnir námsmenn þýða í friði, sem í anda upplýstir eru af sólarsmiði. |