A 7 - Tibi laus

Latneski sálmurinn, Tibi laus salus sit Christo, er þekktur frá 14. öld. Gísli Jónsson sneri sálminum úr dönsku, en hann birtist í Sálmabók Claus Mortensen 1523, „Dig være Lov og Pris, o Herre Christ“. Guðbrandur endurbætir þýðinguna og birtir í Sálmabók 1589 og Graduale 1594 og var hann síðan í messubókum til loka 18. aldar. Hann var tekinn upp að nýju í Sálmabók 1972, endurþýddur af Sigurbirni Einarssyni, „Vor Drottinn Kristur, dýrð sé þér“.