A 9 - Eftir inngönguna skal þetta syngjast

Þessi sálmur er þýddur úr dönsku, þýðing Claus Mortensen á sálmi Lúthers, „Gott sei gelobet und gebenedeiet“, frá 1524. Lúther byggir á latneskri leisu frá miðöldum og ætlaðist til að sálmurinn væri sunginn eftir altarisgöngu. Guðbrandur er með aðra þýðingu þessa sálms í Sálmabók 1589, „Guð veri lofaður og svo blessaður sem oss kristna sjálfur seður“. Í Graduale 1594 breytir hann upphafserindinu: „Guð veri lofaður og svo blessaður, sem oss fætt hefur alla sjálfur“. Þannig var sálmurinn síðan í messusöngsbókum til 1801.